Ingi Samuelsen
Hvat fert tú til á Ólavsøku? Um tú svarar ”til midnáttarsangin”, so svarar tú sama, sum føroyingar flest.
Í kanningini, sum Spyr.fo gjørdi fyri Portalin týsdagin vórðu fólk eisini spurd um hvat tey ætlaðu sær til á ólavsøku.
Og nógv flestu av teimum, sum fara á ólavsøku, ætla sær til felagssangin á midnátt annan dag. Heili 63,5 prosent siga seg fara til midnáttarsangin.
Sí eisini: Helmingurin av Føroya fólki fer á ólavsøku
Næststørsta atdráttartiltakið á ólavsøku er avgerandi kappróðurin, har føroyameistaraskapurin í tjóðarítrótt Føroya verður avgjørdur og heiðraður. Yvir helmingurin av fólkunum, 51,9 prosent, siga seg fara til kappróður í ár.
Listin avdúkar, at hvørki dansur ella útimøti lokka fólk á ólavsøku nú á døgum. 10 prosent siga seg ætla á útimøti og 11,5 prosent siga seg ætla sær í dans, meðan 17,3 prosent av teimum spurdu ætla sær til kabarett.
Vinarliga broyt tínar kennifíla - og privatlívsstillingar fyri at síggja hetta innihald