Nóllywood verður aftur í august

Um ein góðan mánað ferður summarskúlin Nóllywood aftur á skránni, og nú ber til hjá ungum millum 14 og 18 ár, sum hava áhuga í at læra at gera film, at melda seg til.

Klippfisk boðar frá, at Nóllywood 2022 verður í døgunum 5. – 11. august – hesuferð á Føroya Fólkaháskúla.

Tilmelding fer fram við at senda ein teldupost til [email protected] við hesum upplýsingum:

• Navn
  
• Føðingardagur
  
• Teldupostur
  
• Telefonnummar
  
• Navn og telefonummar hjá foreldrum ella verja

Harumframt verður ein biðin um at skriva í teldupostinum, hví ein hevur áhuga fyri at læra at gera film, og um ein hevur nakrar royndir við filmsframleiðslu. Royndir eru tó als ikki eitt krav, skrivar Klippfisk.