Orbán: Evropa má skifta kós, um Trump vinnur

Evropa má umhugsa stuðulin til Ukraina, um Donald Trump verður afturvaldur til forseta týsdagin, sigur ungarski forsætisráðharrin, Viktor Orbán.

– Vit noyðast at ásanna, at um har kemur ein forseti í USA, sum gongur inn fyri friði (...) kann Evropa ikki halda fram at vera fyri kríggi.

Orbán hevur gjørt vart við seg við sínum meira jaligu áskoðanum mótvegis Russlandi, og tí stuðlar hann republikanska forsetavalevninim Donald Trump, sum sambært honum kann fáa eina friðaravtalu í lag millum Russland og Ukraina.

Hósdagin í komandi viku hittast evropeiskir leiðarar í ungarska høvuðsstaðnum Budapest, har kríggið í Ukraina er millum evnini á dagsskránni, skrivar Ritzau.