Pete Buttigieg tekur seg úr valstríðnum

Pete Buttigieg, fyrrverandi borgarstjóri í South Bend í Indiana, tekur seg úr stríðnum um at gerast forsetavalevni hjá demokratunum.

Hesum boðaði hann frá í røðu, sum hann helt fyri veljarum sínum í South Bend í gjárkvøldið lokala tíð.

– Í kvøld taki eg ta tungu avgerð at gevast í valstríðnum um at gerast forseti í 2020. Eg vil framvegis stríðast fyi, at vit fáa ein demokratiskan forseta, segði hann sambært Ritzau.

38 ára gamli Pete Buttigieg vann annars fyrsta undanvalið í Iowa. Í New Hampshire gjørdist hann nummar tvey, í Nevada nummar trý, og um vikuskiftið gjørdist hann nummar fýra, tá undanval var í South Carolina.

Avgerðin um at gevast í valstríðnum kemur fáar dagar undan sonevnda supertýsdegnum, har undanval er í heili 14 statum, og fleiri enn 1.200 valmenn eru uppá spæl.

Mynd: EPA

Amerikanski forsetin, Donald Trump, fegnast um avgerðina hjá Pete Buttigieg. Í dagføring á Twitter skrivar hann soleiðis:

– Pete Buttigieg er úti. Allar hansara supertýsdags-atkvøður fara til svøvntunga Joe Biden. Frálík timing. Hetta er veruliga byrjanin til, at demokratarnir vraka Bernie – Eingin tilnevning, enn einaferð!