Strandferðslan: Avlýsingar á leið 60 og 66

Sera nógvur vindur hevur verið seinasta samdøgrið, og hetta hevur ávirkað bæði siglingina hjá Strandferðsluni og Bygdaleiðirnar í morgun.

Sambært Strandferðsluni væntar mann meira vind aftur seinni í dag, og skulu fólk rokna við møguligum avlýsingum ella seinkingum hjá øllum Bygdaleiðum.

Eisini siglingin er ávirkað. Fyribils verður boðað frá avlýsingum á leið 60 millum Skopun og Gomlurætt, og á leið 66 millum Sandoy og Skúvoy.

Teistin hevur avlýst túrarnar klokkan 20.40 og 22.30 úr Skopun, og 21.20 og 23.05 av Gomlurætt. Sostatt er seinasti túrur av Gomlurætt klokkan 20.

Fyri veður siglir Sildberin yvirhøvur ikki í løtuni.