Sverri Egholm
Løgtingið fær ikki eitt uppskot um at javnseta samkynd foreldur frá samgonguni at taka støðu til, áðrenn atkvøðast skal um andstøðuppskotið um tað sama.
Tað segði Helgi Abrahamsen, landsstýrismaður í vinnumálum, við Dag og viku í gjár.
- Hetta er ikki so einfalt sum tað verður gjørt til. Tí havi eg sagt, at skulu vit gera tað, so má tað gerast ordiligt. Tað vil siga, at vit ikki klára at gera tað her og nú, tað tekur tíð at gera, segði Helgi Abrahamsen.
"So be it"
Johan Dahl hevur annars hótt samgonguna við, at hann fór at taka undir við uppskotinum frá andstøðuni um einki kom frá samgonguni.
- Tað sum vit eru við at gera í hesari samgonguni, við Miðfloksins hjálp, er at diskriminera ein heilan bólk av menniskjum, sum gjarna vilja fungera eins væl sum tú og eg sum foreldur vilja fungera. Tað haldi eg haldi eg snøgt sagt ikki er í lagi, segði Johan Dahl á tingsins røðarapalli 11. november.
- Um tað ikki kann vera pláss fyri mær í samgonguni við tí meiningini, “so be it”, “so be it….”, segði Johan Dahl.
Uppskotið sum andstøðupolitikarar úr Javnaðarflokkinum, Tjóðveldi og Framsókn hava lagt fram, liggur í vinnunevndini.
Les eisini: Sambandsveljarar stuðla Johan Dahl
Vinarliga broyt tínar kennifíla - og privatlívsstillingar fyri at síggja hetta innihald