Innanlands

Trý fólk bjargað frá eldinum í Grønlandi

Tyrlan kom eftir ferðfólkunum og ferðaleiðara teirra í Vesturgrønlandi, sum "hvurvu" í roykinum

(Mynd: Sverri Egholm)

(Mynd: Sverri Egholm)

2019-08-15 10:19 Author image
Agnar Prestá

Stóri eldurin undir jørð millum Kangerlussuaq og Sisimiut brennir enn, og 38 donsk sløkkiliðsfólk eru komin til Grønlands at hjálpa til at fáa tamarhald á. 

Í gjár gingu trý fólk seg inn í roykin frá náttúrueldinum, sum herjar. Ein ferðaleiðari var við tveimum útlendskum ferðafólkum í økinum og grønlendski ferðaleiðari teirra sendi út neyðarróp, tá tey einki sóu í øllum roykinum.

Hetta skrivar Kringvarpið, og sambært grønlendska kringvarpinum, KNR bað løgreglan í fyrsta umfari eina rututyrlu far at leita, men tá hetta ikki eydnaðist, varð Seahawk-tyrlan hjá Arktiskt komando send at leita. Hon hevur góða útgerð, og fólkini vórðu funnin og fingið uppá pláss í øllum góðum.

Tey trý komu ikki til skaða á nakran hátt. Eldurin hevur herjað í yvir ein mánað. 

placeholder
placeholder