Innanlands

Góðar 830 milliónir í lønum í juni

Støðugur vøkstur er í lønargjaldingunum

Mynd: Hagstova Føroya

Mynd: Hagstova Føroya

2019-07-10 13:04 Author image
Ari av Rana

Í juni í ár vóru góðar 830 milliónir útgoldnar í lønum. Tað eru  smáar 50 milliónir meira í mun til sama mánað í fjør. Vøksturin hevur verið rættiliga støðugur síðani 2014, vísa tølini hjá Hagstovu Føroya.

[object Object]

Myndin niðanfyri vísir lønargjaldingarnar fyri bæði kyn. Kámu strikurnar vísa útgoldnu lønirnar og sterku strikurnar vísa gongdina ella trendin fyri bæði kynini.

Í juni var parturin hjá monnum knappliga 520 milliónir og 320 milliónir hjá kvinnunum. Vøksturin í lønum hevur verið størri hjá monnum enn hja kvinnum seinastu 5 árini. Tilsamans eru lønirnar hjá monnum umleið 200 milliónir størri enn hjá kvinnunum mánaðarliga. Í 2014 var munurin smáar 140 milliónir mánaðarliga. 

[object Object]

Myndin niðanfyri vísir lønargjalindgarnar í teimum fýra høvuðsvinnugreinunum. Kámu strikurnar vísa lønargjaldingarnar, og sterku strikurnar vísa trendin fyri vinnugreinarnar. 

Sløk 65% av lønargjaldingunum verða útgoldar í almennu- og privatu tænastuvinnunum, 20% í fiskivinnu og aðari tilfeingisvinnu og 15% í byggivinnu og aðrari tilvirking. Trendurin vísir, at vøkstur er í øllum vinnugreinabólkunum, hóast ymiskur. 

[object Object]

Myndin niðanfyri vísir lønargjaldingarnar eftir bústaðarøki hjá løntakarum. Kámu strikurnar vísa lønargjaldingarnar, og sterku strikurnar vísa trendin. 

[object Object]

placeholder
placeholder