Lótu grindina sleppa

Seinnapartin í dag varð ein lítil grind funnin nakað norður úr Barðinum í Vágum.

Langt er til nærmastu grindavág, og tí var ikki rættiliga gjørd nøkur roynd at fáa rakstur á grindina, tí tað gjørdist skjótt greitt, at tað ikki fór at bera til at koma langa leið við henni áðrenn myrkrið fall á.

Um fýra tíðina fekk politistøðin boð um, at tað var vorði so mikið myrkt, at tey høvdu latið grindina sleppa.