Innanlands

Skulu byggja nýtt røktarheim fyri yvir 300 milliónir krónur

Sáttmáli er gjørdur millum Tórhavnar kommunu og Articon. Við Stórubrekku verða 64 búpláss og dagtilboð til 50 eldri heimabúgvandi. Harumframt verða 16 røktaríbúðir til einstaklingar og pør tøkar seint í 2027

Arbeiðið skal eftir ætlan byrja á vári 2025, og verður væntandi liðugt í seinnu helvt av 2027, kunnar kommuan um (Mynd: torshavn.fo)

Arbeiðið skal eftir ætlan byrja á vári 2025, og verður væntandi liðugt í seinnu helvt av 2027, kunnar kommuan um (Mynd: torshavn.fo)

2025-04-03 14:49 Author image
Agnar Prestá
placeholder

Fyrrapartin skrivaðu Articon og Tórshavnar kommuna undir sáttmála um nýggja røktarheimið við Stórubrekku. Eisini skrivaði kommunan undir sáttmála við Ráð um byggiharraráðgeving- og leiðslu. 

Hetta skrivar torshavn.fo.

Tað er ikki eiti á verkætlan, sum Tórshavnar býráð á býráðsfundi í farnu viku at samtykti at fara undir við Articon.

Tikið var undir einum arbeiðstøkusáttmála við einum samlaðum tilboði frá Articon uppá 296.270.627,00 u/mvg.

Hetta merkir at savnaði kostnaðurin við øllum allarhelst fer uppum 300 milliónir krónur.

Elsa Berg, borgarstjóri og Jón Sigurdsson, stjóri í Articon.

Einar Brimnes, Ráð, og Elsa Berg, borgarstjóri.

Verkætlanin hevði lisitatión 31. Januar 2025, og tá freistin var farin, vóru fimm tilboð komin inn.

Umsitingin hjá Tórshavnar kommunu hevur síðan verið i sáttmálasamráðingum við Articon um verkætlanina.

Mynd: torshavn.fo

Røktarheimið við Stórubrekku – eitt heim mitt í náttúruni

Um nýggja heimið skrivar torshavn.fo soeleiðis:

Talan verður um eitt stórt heim við fleiri minni, samanbygdum húsum í ymsum hæddum og rætningum. Heimið fevnir um 64 búpláss  og dagtilboð til 50 eldri heimabúgvandi. Harumframt verða 16 røktaríbúðir til einstaklingar og pør, ið verða tær fyrstu av sínum slag her í landinum. Røktarheimið við Stórubrekku verður sostatt eisini størsta røktarheim í kommununi.

Byggingin skal leggja dent á, at búfólk skulu kenna tað heimligt og trygt, og at umstøðurnar eru róligar við góðum hentleikum. Smá, vard tún og útirúm verða umframt stórkøk, vaskarí og fysio- og ergoterapi.

Tað er ráðgevaratoymið EYA/CUBO, ið vann verkætlanarkappingina um prosjektering og heildarráðgeving av Røktarheiminum á Stórubrekku.  



Mett byggitíð er 2 ár og 8 mánaðir. Arbeiðið skal eftir ætlan byrja á vári 2025, og verður væntandi liðugt í seinnu helvt av 2027.


placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder