Alda Nielsdóttir
Bretski forsætisráðharrin, Keir Starmer lovar ukrianum "óvikaligan stuðul" eftir orðadráttin millum ukrainska forsetan, Volodymyr Zelenskyj og amerikanska forsetan, Donald Trump í Hvítu Húsunum fríggjakvøldið.
Les eisini: Zelenskyj og Trump í orðadrátti fyri opnari mikrofon
Starmer hevur tosað við báðar forsetanar eftirfylgjandi, upplýsir talsfólk hjá skrivstovu hansara.
– Hann ger alt, hann kann, fyri at finna eina leið til varandi frið, sum byggir á sjálvræði og trygd fyri Ukraina, verður sagt sambært Ritzau.
Tað var ætlanin, at USA og Ukraina skuldu undirskriva eina avtalu um ukrainsk ráevni, meðan Zelenskyj var í USA, men partarnir fóru hvør til sítt uttan avtalu.
Í dag fer ukrainski forsetin til Stórabretlands at hitta Starmer, sum í morgin er vertur fyri einum evropeiiskum toppfundi um støðuna í Ukraina.
Les eisini: Starmer kallað inn til evropeiskan fund um Ukraina
Vinarliga broyt tínar kennifíla - og privatlívsstillingar fyri at síggja hetta innihald