USA: Nýggj revsitiltøk móti fyritøkum og einstaklingum, sum stuðla Russlandi

USA hevur sett í gildi revsitiltøk móti fleiri enn 400 fyritøkum og einstaklingum, sum stuðla Russlandi í krígnum í Ukraina.

Tað upplýsir amerikanska uttanríkismálaráðið sambært tíðindastovuni Reuters.

Millum tey, sum eru rakt av revsitiltøkunum, er m.a. kinesiskar fyritøkur, sum sambært USA hevur hjálpt Russland at snúgva sær undan revsitiltøkum hjá vesturheiminum og styrkja herin.

Revsitiltøkini raka eisini tvørtjóða netverk, sum lata lóður og annað til Russland, upplýsir amerikanska uttanríkismálaráðið.