USA umhugsar at banna TikTok

USA umhugsar at banna fleir kinesiskar sosialar miðlar, harímillum TikTok. Amerikanski uttanríkisráðharrin Mike Pompeo sigur at USA “hyggur at”, um TikTok skal bannast í USA, skrivar CNN.

Í eini samrøðu segði Mike Pompeo at, ”um tú tekur appina niður, tekur tú undir við, at kinesiski kommunistaflokkurin fær atgongd til tínar privatu upplýsingar”.

Útsøgnin hjá Pompeo kemur í eini tíð, har tað er øktur spenningur millum USA og Kina.

Kinesiska TikTok hevur annars ein amerikanskan forstjóra og fleiri hundrað starvsfólk og týðandi leiðarar í USA, sigur TikTok í eini fráboðan eftir útsøgnina hjá Pompeo. Harafturat sigur TikTok, at hægsta raðfesting er trygdin hjá kundunum, og at fyritøkan aldrin fer at veita upplýsingar til kinesisku stjórnina.