Sverri Egholm
Nógv virksemi verður á skrivstovuni hjá Jógvani á Lakjuni, løgtingsformanni, í morgin fyrrapart.
Klokkan 9 kemur Bárður á Steig Nielsen og hann fær handað fráfaringarskriv.
Eftir tað koma formenninir fyri teir valdu flokkarnir ein og ein eftir stødd og siga løgtingsformanninum frá, hvønn teir vísa á sum samráðingarleiðara. Tann, sum hevur fingið flestar atkvøður sum samráðingarleiðari, fær so formliga mandat til at royna at skipa samgongu.
Sannlíkt verður tað Aksel V. Johannesen, formaður í Javnaðarflokkinum, sum fær samráðingarrættin at skipa samgongu.
Aksel V. Johannesen hevur um vikuskiftið sagt, at hann fyrst fer at gera eina roynd at samráðast við andstøðuna frá undanfarna valskeiði - Tjóðveldi, Framsókn og Javnaðarflokkurin.
Ein samgonga millum Javnaðarflokkin, Framsókn og Sambandsflokkin hevur eisini verið nevnd sum ein møguleiki.
Les eisini: Formansumfar verður mánamorgunin
Vinarliga broyt tínar kennifíla - og privatlívsstillingar fyri at síggja hetta innihald