Halda at løgtingið eigur at bíða

86 prosent.

So nógv svara "Ja" til um løgtingið eigur at bíða við at taka avgerðir um Suðuroyartunnilin, til vissa er fingin fyri fígging, og nágreiniligar jarðfrøðisligar kanningar eru gjørdar.

Portalurin spurdi sínar brúkrar um hetta í gjár og 5.535 svaraðu.

11 prosent svara nei, og trý prosent siga seg ikki vita.

Málið kemur annars fyri aðru viðgerð í løgtinginum í dag, og ætlanin er at fáa tað avgreitt áðrenn tingið fer í summarfrí fríggjadagin.

Álit kom frá fíggjarnevndini nakrar fáa minuttir í midnátt í mánakvøldið.

Sí eisini: Stórur dagur í løgtinginum

Sí eisini: Meiriluti fyri linjuføringini til Djúpadals

Ein meiriluti í fíggjarnevndini við Eyðgunn Samuelsen og Bjarna Hammer úr Javnaðarflokkinum, Dennis Holm úr Tjóðveldi, Honnu Jensen úr Framsókn, Beinir Johannesen úr Fólkaflokkinum og Steffan Klein Poulsen úr Miðflokkinum, mælir til at fara víðari við arbeiðinum.

Magnus Rasmussen úr Sambandsflokkinum hevur sínar egnu viðmerkingar og broytingaruppskot til løgtingsmálið, sum gongur út upp á heldur at bora tunnilin frá Múlanum norðan fyri Sandsbygd.